Мінеки, бүгін біз үшін қоңыраудың сиқырлы да сазды әуені соңғы рет ән салмақ. Және ол ән барлығымызды сонымен бірге өмір деп аталатын алып күре жолдың төскейіне шығарып салар. Бізді қаншама жыл оқытып, білім берген, тәрбие берген аяулы ана мектебіміз бен құрметті ұстаздарымыз іштей тілектестік білдіріп, сәт – сапар тілеп қалар.

25 мамыр гимназиямыздың “Алтын белгіге” үміткер оқушылары Grand park ойын-сауық кешеніне барып, Алматы қаласының “Jas Otan ” ЖҚ төрағасы Н. Бекқайыров пен Әуезов ауданының “Jas Otan ” ЖҚ төрағасы Б. Сахидің грамотасымен марапатталды.

Бүгін гимназияда “Сыңғырла соңғы қоңырау“ салтанатты жиыны онлайн форматында өтті. Құрметті ата-аналар, оқушылар және ұстаздар 2020-2021 оқу жылының аяқталуымен баршаңызды шын жүректен құттықтаймыз.

Алда жазғы демалыс! "Кітап - рухани азық"  демекші,  шәкірттерімізге жазғы демалысқа "Тәуелсіздігіміздің 30 жылдығына - 30 кітап" рухани-мәдени акциясының аясында қамтылған кітаптар тізімі берілді. Осы кітаптарды жазғы демалыста оқып, жаңа оқу жылында талқылайтын боламыз.

Бүгін, гимназиямызда Жалпыреспубликалық ата-аналар жиналысы өтті.  Жалпыреспубликалық ата-аналар жиналысының мақсаты- ата-аналардың (балалардың заңды өкілдерін) 2020-2021 оқу жылының қорытындылары туралы хабардар ету және ата-ананың педагогтермен жеке сөйлесуі арқылы баланың үлгеріміне егжей-тегжейлі талдау жасауға мүмкіндік беру.

XII Республикалық “Болашақ баспагер- редактор, дизайнер” онлайн байқауына белсене қатысып, ең үздік шығармашылық өнерімен танылған Жұман Мерейді жеңісімен құттықтаймыз.

Бүгін, қазақтың біртуар ұлы, ақын, философ, жазушы Олжас Сүлейменовтың 85 жасқа толған мерейтойына орай гимназиямызда ақын өлеңдері мен шығармашылығын талдауға арналған қос тілде дөңгелек үстел болып өтті. 8-10 сынып оқушылары арасында өткен дөңгелек үстелдің мақсаты: жастардың бойында ұлттық рухты көтерумен қатар, Олжас Сүлейменовтың шығармалары мен өмірінің беймәлім қырларымен таныстыру. 

Қара өлеңнің қас шебері, ақиық ақын Мұқағали Мақатаевтың 90 жылдық мерейтойына орай El jastary қоғамдық қорының ұйымдастыруымен өткізілген “жырлайды жүрек” атты Республикалық байқауға қатысып, көркемсөз оқу шеберлігімен көзге түскен Қазақбаев Данияр марапатталды. Құттықтаймыз.

Сенбі күні тікелей эфирде мектеп оқушыларымен әңгімелестім. Армандары тілші болу екен. Сондықтан олар белсенділік танытып, маған біраз сұрақтар қойды, жақсы сұхбат өткіздік. Балаларды әртүрлі тақырыптар қызықтырды: дәстүрлі оқу форматына оралу, пандемия аяқталғаннан кейін онлайн-оқыту элементтерін пайдалану мүмкіндіктері, қазақ тілін оқытудың жаңа әдістері және ҰБТ-ны электрондық форматта өткізу.