ҚОШ БОЛ, ҚҰТТЫ ӘЛІППЕ

Әліппе – білімнің бастауы. 20.12.2022ж 1 “Ә” сынып оқушыларының әліппемен қоштасу рәсімі болып өтті. Оқушылар алғаш әріп танытқан ұстаздарына алғыс айтып, алғашқы кітап – “Әліппемен” қимай қоштасты. Бүлдіршіндер хормен ән орындап, “Менің атым…” ойынын ойнады және сүйікті Әліппеге тақпақтарын арнады.
Ата-аналар балалардың тәтті сөздері мен тәтті қылықтарына сүйсініп, сынып жетекшісіне алғыстарын білдірді және жас бүлдіршіндердің білім жолында биік белестерді бағындыратынына сенім білдіріп, жылы лебіздерімен бөлісті.