08
май
2021
Ұлы отан соғысының ардагері Сарсенбаев Шалабай Тугатұлы
Мен жеңістің ізбасары Серікқали Меруерт Санатқызы, Ұлы отан соғысының ардагері Сарсенбаев Шалабай Тугатұлының шөбересімін. Үлкен атам Шалабай 1924ж Семей өңірінде дүниеге келіп, ашаршылық заманында 1932ж Алматы облысы, Сарқан ауданына көшкен. 1943 жылы небәрі 19 жасында Ұлы отан соғысына аттанған. 1943-1945 жылдар аралығында 529-шы неміс танкілеріне қарсы артерриялық полк құрамында Ресейдің Смоленск қаласынан, Чехияның Прага қаласына дейін шайқаста болған. Шалабай Атам соғыста бірнеше мәрте ерлігі мен батырлығы үшін, Орденьмен, марапаттармен марапатталған. Атамның майдан шайқасындағы ерлігі туралы командирлері жазған бірнеше мәліметтер соғысқа қатысты барлық мұрағаттарда бар. Мен Шалабай атамды мақтан тұтамын! "Жеңіс күні-халықтың бірлігі, тыныштығы, тұрақтылығы еліміздің еңбасты жетістігі екендігін айқындайтын символдық мәні баререкші күн",-деп Елбасымыз Н.Ә.Назарбаев айтқандай, бүгінде қатары сиреп қалған майдангерлерге деген құрметіміз ерекше.